तिमी, तिमी नै भएर आउनु
म द्वार खुल्ला राख्छु
निसंकोच आफैलाई खुलाएर आउनु
म द्वार, खुल्ला राख्छु ।।
आँखामा निश्चल, भावना सजाउंदै
ति पहिरन बीच, आफैलाई बचाएर,
तिमी, मधुमास बोकेर आउनु
म द्वार, खुल्ला राख्छु
सडकका रंगहरु लत्याउँदै
घामको राप, जुनको शितलता पोतेर
तिमी घुम्तीहरुमा, मुस्कुराउँदै आउनु
म द्वार, खुल्ला राख्छु
आफु भित्रको, त्रासको पर्खाल भत्काउँदै
नदि झैं, आफ्नै सर्तमा बगेर
तिमी, तिमी नै भएर आउनु
म द्वार खुल्ला राख्छु
२०७५/०६/०१
No comments:
Post a Comment