तिमी आउँछौ, शब्दहरु छरेर जान्छौ
संगालेर बुझ्न त मलाई पर्छ
कति गाह्रो छ यहाँ, उस्तै रहन
सम्हालेर हाँस्न त मलाई पर्छ ।।
यसो गर्छु, उसो भएन भन्छौ
तिमी पहिले जस्तो रहेनौ भन्छौ
कहाँ फ़ेरिएछु, कस्तो फेरिएछु
आफ्नो अनभिज्ञता बुझ्न त मलाई पर्छ ।।
कति बुझ्न गाह्रो हो ति शब्द पनि
घुमाउरो पारामा धेरै भनेर जान्छौ
संधै नयाँ पिरलो थपेर जान्छौ
किन बुझ्दैनौ ?
अनिदो रात कटाउन त मलाई पर्छ ।।
२०७२/०७/०७ बिमोचन घिमिरे !!
