Tuesday, April 5, 2016

भारी भएकाछन


मानिस त जान्छ
शब्दहरु रहिरहन्छ
यहाँ बर्णन के गरूँ ?
ति पुराना शब्दहरु, भारी भएकाछन ।

भन्नेहरुले त बिर्सेहोलान
अचम्म सुन्नेले याद गरिरहेछ
बिचरा अचेल
ति यादहरु पनि, भारी भएकाछन ।

त्यो रंगमंच भित्र अटाएका शब्द
गाँसिएका वाचा
अचेल आँखा अगाडी छट्पटीएको भेट्छु
सायद तिनलाई झुठहरु, भारी भएकाछन ।

कतै शब्द आँशु सरह पोखिन्छन
कतै हाँस्ने त हाँसिरहेकै होलान
कसैलाई भने
ति पुराना मुस्कानहरु, भारी भएकाछन ।

बुझ्नेले बुझिहाल्छ
नबुझ्नेलाई बुझाउने माध्यम छैन
यो लेखकलाई अचेल
यिनै लेखाईहरु, भारी भएकाछन
 ति पुराना शब्दहरु, भारी भएकाछन ।।

२०७२/१२/१२ बिमोचन घिमिरे


ShareThis