म हिंड्छु
भौतारिंदै सडक बीच
कतै मेरो गीत गुन्जिन्छ कि भनि
कतै सन्नाटा गाउँछ कि भनि
म हिड्छु अचेल एक्लै
कतै गीत सुन्छु कि भनि
खाली छैन सडक कतै
हल्लाहरु दौडिरहन्छन
तर गाउने पनि कोहि छैन
शब्दहरु मरिरहन्छन
जुन होस् वा घाम होस्
या होस् बर्षात जीवनमा
संगीतहरु कुदिरहन्छन
गीतहरुको खोजीमा
भयो धेरै बिलाएको गल्लि-चोकबाट
एकदिन सबेरै निस्किएको थियो ऊ
कलमहरुबाट
बाटो बिरायो कि
भुलायो अतित आफ्नो
कि भौतारिंदै छ उ पनि
म जस्तै
यहि सडक बीच ??
